Hindi ako marunong ng wika mong Ilokano
Mabibigyan mo ba ako ng pagkakataon na mamuno?
Hindi ako marunong ng wika mong Panggalatok
Mayaya mo ba akong maglakad at umakyat ng bundok?
Hindi ako marunong ng wika mong Sambal
Makahiram kaya ako sa iyo ng sasakyan at trapal?
Hindi ako marunong ng wika mong Kapangpangan
Mapaniwala mo kaya ako na walang kasinungalingan?
Hindi ako marunong ng wika mong Tagalog
Maari mo ba akong samahan sa tabing ilog?
Hindi ako marunong ng wika mong Bikolano
Makaya ko kayang akyatin ang niyog at mga puno?
Hindi ako marunong ng wika mong Ilonggo
Magabayan mo ba ako kung saan ako patungo?
Hindi ako marunong ng wika mong Waray
Mapaghandaan mo ba ako ng mga prutas at gulay?
Hindi ako marunong ng wika mong Sebuano
Maililibre mo ba ako na hindi ako mag-aabono?
Hindi ako marunong ng wika mong Muslim
Maihahatid at magkasabay ba tayo sa gitna ng dilim?
Ako ay hindi marunong ng wika mo
Tulad ko rin, hindi ka marunong ng wika ko
Pero tayo ay mga mamamayang Pilipino
May iisang bansa at may iisang layunin
Na pinagbubuklod ng wika natin
Hands-on 